മലയാളത്തിലേക്ക് വിരുന്നെത്തിയ വസന്തമാണ് ‘ഏകാന്തതയുടെ നൂറു വര്‍ഷങ്ങള്‍’. ഗബ്രയേല്‍ മാര്‍ക്വേസ് സ്പാനിഷ് ഭാഷയില്‍ തയാറാക്കിയ കൃതിയെ അത്യന്തം കൈയടക്കത്തോടെ ഇംഗ്ലീഷിലേക്ക് മൊഴിമാറ്റിയത് ഗ്രിഗറി റബാസയാണ്. മലയാള ഭാഷാന്തര നോവലുകളുടെ മൈല്‍കുറ്റിയായി അറിയപ്പെടുന്ന കൃതിയാണ് നാലപ്പാട്ട് നാരായണ മേനോന്‍ തര്‍ജമ ചെയ്ത ‘പാവങ്ങള്‍’. വിക്ടര്‍ ഹ്യൂഗോ ഫ്രഞ്ച് ഭാഷയിലെഴുതിയ നോവലാണ് ഇംഗ്ലീഷ് വഴി മലയാളത്തിലെത്തിയത്.
വിവര്‍ത്തനം വലിയ സാധ്യതയാണ്. മലയാളേതര ഭാഷകളിലെ ചെറു രചനകള്‍ മാതൃഭാഷയിലേക്കും തിരിച്ചും ചെയ്ത് പരീക്ഷിച്ച് നോക്കൂ. ഒഴിവുവേളകളില്‍ നിന്ന് പുതുവഴി കിളിര്‍ത്തുവരും.
